ახმეტის რაიონის ზემო ალვანში ცხვრის მპარსავების კოოპერატივი „თუშური ოქროს საწმისი“ დაარსდა. ცხვრის 24 თანამედროვე საპარსი კოოპერატივს ჩეხურმა ორგანიზაცია „კარიტასმა“ გადასცა. კოოპერატივის ხელმძღვანელის ბესო ლაგაზიძის თქმით, თანამედროვე საპარსი მობილური სისტემაა, რომლითაც ცხვარი ხუთჯერ ნაკლებ დროში 3 წუთში იპარსება და დუქარდით პარსვისგან განსხვავებით, მატყლის ბოჭკო არ ზიანდება.