თამბაქოს გლობალური ეპიდემია დაახლოებით 6 000 000 ადამიანს კლავს ყოველწლიურად, აქედან 600 000–ზე მეტი მეორადი კვამლით იღუპება. საქართველოს თამბაქოს მოხმარების კუთხით, ერთ–ერთი მოწინავე ადგილი უკავია ევროპის ქვეყნებში. თემაზე სასაუბროდ სტუდიის სტუმრები არიან, საზოგადოებრივი ჯანდაცვის ინსტიტუტის დირექტორი კახა ღვინიანიძე, დაავადებათა კონტროლის და საზოგადოებრივი ჯანმრთელობის ეროვნული ცენტრის მთავარი სპეციალისტი ნუკა მაღლაკელიძე და თამბაქოს კონტროლის ალიანსის ხელმძღვანელი გიორგი ბახტურიძე. ნუკა მაღლაკელიძე: " 2011 წელს ჩატარდა საქართველოში კვლევა, რომლის მიხედვითაც საქართველო არის თამბაქოს მხრივ მაღალმომხმარებელი ქვეყანა. საქართველოს მოსახლეობის 30% მოიხმარს თამბაქოს ".