სეზონის მეორე საერთაშორისო ამხანაგურ შეხვედრას, ჩვენი ნაკრები აზიის ზონის წარმოამდგენელთან გამართავს. საქართველოსა და საუდის არაბეთს შორის შეხვედრა ესპანეთის ქალაქ ხერესში, 29 მაისს ჩატარდება. საქართველოს ნაკრები მატჩისთვის მოსამზადებლად ესპანეთში 23 მაისს შეიკრიბება. ამ დროისთვის საუდის არაბეთის გუნდი ფიფა-ს მარტის თვის რეიტინგში 75-ე ადგილზე იმყოფება. გუნდს 51 წლის ესპანელი ლოპეს კარო წვრთნის. საუდის არაბეთმა სეზონის პირველი მატჩი წელს ინდონეზიის წინააღმდეგ ჩაატარა და 1:0 დაამარცხა.