2009 წლიდან საქართველო კინო და ტელეოპერატორების ფესტივალს „ოქროს თვალი“ მასპინძლობს. ფესტივალის მიზანია კინო და ტელე ოპერატორების შემოქმედებითი და პროფესიული განვითარებისათვის ხელის შეწყობა, მათი საქმიანობის პროპაგანდა და სტიმულირება, საუკეთესოთა გამოვლენა და წარმოჩენა.
ფესტივალს სტუმრობენ ჰოლივუდიდან მოწვეული კინო ხელოვანები, რომლებიც რჩევებს და გამოცდილებას უზიარებენ კავკასიის რეგიონის ახალგაზრდებს.
სატელევიზიო პროდუქციის გამოფენა
წელს პირველად გაიმართება სატელევიზიო პროდუქციის გამოფენა, რომელშიც მონაწილეობას მიიღებენ მსოფლიოს წამყვანი კონტენტის მწარმოებელი და სადისტრიბუციო კომპანიები. მარკეტზე წარმოდგენილი იქნებიან საქართველოსა და რეგიონის წამყვანი სამაუწყებლო კომპანიები.
აღსანიშნავია, რომ სამაუწყებლო ტექნიკის და სატელევიზიო პროდუქციის გამოფენა ერთადერთი ადგილია რეგიონში, სადაც შეძლებთ დაამყაროთ ფორმალური თუ არაფორმალური ურთიერთობები კავკასიის რეგიონის გადაწყვეტილების მიმღებ პირებთან.
ოქროს თვალის სატელევიზიო პროდუქციის გამოფენა გთავაზობთ უნიკალურ შესაძლებლობას შეხვდეთ პოტენციურ მომხმარებლებსა და კიდევ უფრო ცნობადი გახადოთ თქვენი პროდუქცია.
სამაუწყებლო ტექნიკის გამოფენა
სამაუწყებლო ტექნიკის საერთაშორისო გამოფენა ყოველწლიურად ტარდება საქართველოში, რომელშიც მონაწილეობას იღებს მსოფლიოს ტექნიკის ლიდერი მწარმოებელი კომპანიები. გამოფენა მთელი მსოფლიოდან მასპინძლობს მნახველებს.
სამაუწყებლო ტექნიკის საერთაშორისო გამოფენა ხელს უწყობს მედია კომუნიკაციების, კინო და რადიო მაუწყებლობის დარგის განვითარებას. გამოფენას რეგიონში პრეცედენტი არ ჰყავს.
