საქართველოს უნივერსიტეტმა შავი ზღვის რეგიონის საგამოძიებო ჟურნალისტიკის ფესტივალს - Open Black Sea 2026-ს უმასპინძლა. ორდღიან ღონისძიებაში ექვსი ქვეყნის - საქართველოს, უკრაინის, მოლდოვის, რუმინეთის, ბულგარეთისა და თურქეთის ჟურნალისტები, რედაქტორები და სტუდენტები მონაწილეობდნენ. ფესტივალის მთავარი თემა გარემოსდაცვითი ჟურნალისტიკა და შავი ზღვის რეგიონში არსებული გამოწვევები იყო. პროგრამა პრაქტიკულ ვორკშოპებს, დისკუსიებსა და საგამოძიებო იდეების ჰაკათონს - Emerging Voices-ს მოიცავდა, რომლის ფარგლებშიც ოთხი გამარჯვებული გამოვლინდა. ისინი პრიზებთან ერთად სამთვიან სარედაქციო მხარდაჭერას მიიღებენ, რაც საკუთარი იდეების სრულფასოვან საგამოძიებო მასალებად ქცევაში დაეხმარებათ. ფესტივალის ფარგლებში შავი ზღვის საგამოძიებო ქსელიც დაფუძნდა. პლატფორმის მიზანი სხვადასხვა ქვეყნის ჟურნალისტებს შორის თანამშრომლობის გაძლიერება და გარემოსდაცვით საკითხებზე ერთობლივი გამოძიებების ხელშეწყობაა. ქსელის სამდივნო საქართველოს უნივერსიტეტში განთავსდება. ორგანიზატორები იმედოვნებენ, რომ ფესტივალი რეგიონში გარემოსდაცვითი საგამოძიებო ჟურნალისტიკის განვითარებას ახალ იმპულსს მისცემს.


#ახალიამბები #BusinessMediaGeorgia