Black Sea Arena-მ შავი ზღვის ფოლკლორის საერთაშორისო ფესტივალს უმასპინძლა. მაყურებლის წინაშე წარდგნენ ანსამბლები პოლონეთიდან, უკრაინიდან, სომხეთიდან, თურქეთიდან და იტალიიდან. საქართველო კი ანსამბლებმა „რუსთავმა“ და „ბასიანმა“ წარმოადგინეს. სპეციალური სტუმრის სტატუსით მაყურებლის წინაშე ფლამენკოს შემსრულებელი ჯგუფი La Moneta & Flamenco წარდგა. დარბაზის განსაკუთრებული ოვაცია ფლემენკოს მოცეკვავეებსა და ანსამბლ „რუსთავის“ მიერ წარმოდგენილ ნომერს მოჰყვა.

„ის, რაც მაყურებელმა ნახა, დაუვიწყარია. მიმაჩნია, რომ შავი ზღვის ფოლკლორის საერთაშორისო ფესტივალი მაღალ დონეზე წარიმართა“ - განაცხადა ფოლკლორის ეროვნული ცენტრის დირექტორმა გიორგი დონაძემ.

ფესტივალი, რომლის ავტორი და ორგანიზატორი ფოლკლორის სახელმწიფო ცენტრია, Black Sea Arena-ს, Check in Georgia-ს, კულტურის სამინისტროსა და ოზურგეთის მუნიციპალიტეტის მხარდაჭერით გაიმართა.