შესაბამისი ინვესტიციებისა და ეფექტიანობის ზრდის შემთხვევაში, 2030 წლისთვის შუა დერეფანში ტვირთნაკადები შესაძლოა გასამმაგდეს, ხოლო გადაზიდვის დრო - განახევრდეს. ამის შესახებ მთავრობა აცხადებს. ირაკლი კობახიძის განცხადებით, ამ შესაძლებლობის ასათვისებლად მთავრობას გრძელვადიანი გეგმა აქვს და 2032 წლამდე 7 მლრდ დოლარის ინვესტირებას აპირებს. სპეციალისტების ნაწილი მთავრობის მიერ გაჟღერებულ ოპტიმისტურ გეგმებს შუა დერეფნის განვითარებასთან დაკავშირებით ეფემერულად მიიჩნევს და აცხადებს, რომ ოფიციალური რიტორიკა არსებულ რეალობას აცდენილია და ქვეყანა რეგიონულ კონკურენციაში ჩამორჩება. ასევე, დარგის წარმომადგენლები ხაზს უსვამენ ფოთის პორტის გაფართოების პროექტის მნიშვნელობასაც, რომელიც გაურკვეველი ვადით, შეფერხებულია.

#ახალიამბები #BusinessMediaGeorgia