თბილისის საერთაშორისო აეროპორტის არეალში შეიძლება ჩამოყალიბდეს 20 მილიონ მგზავრამდე საერთო პოტენციალი - Air Georgia საქართველოს მთავრობას არსებული აეროპორტის განვითარების საინვესტიციო ინიციატივით მიმართავს. როგორც კომპანიის მიერ პრემიერ-მინისტრის სახელზე გაგზავნილ წერილშია ნათქვამი, ინიციატივა ითვალისწინებს თბილისის აეროპორტის მიმდებარედ Air Georgia-სთვის სპეციალიზებული სამგზავრო ტერმინალის განვითარებას. კომპანიაში აცხადებენ, რომ პროექტი არ არის არსებული აეროპორტის განვითარების ალტერნატივა. კერძოდ, მოქმედი ოპერატორის, ტავ ჯორჯიას მიერ გამოცხადებული გაფართოება თბილისის აეროპორტის წლიურ გამტარუნარიანობას დაახლოებით 10 მილიონ მგზავრამდე ზრდის, Air Georgia-სთვის განკუთვნილ სპეციალიზებულ ტერმინალს კი ეტაპობრივი განვითარების შედეგად შეუძლია შექმნას დამატებით დაახლოებით 10 მილიონამდე მგზავრის მომსახურების პოტენციალი. რა ინიციატივა აქვს Air Georgia-ს და როგორ შეიძლება განვითარდეს საქართველოს საავიაციო ინფრასტრუქტურა?

სტუმარი: გიორგი კოდუა - Air Georgia-ს დამფუძნებელი

#ახალიამბები #BusinessMediaGeorgia