1 ივნისს, ბავშვთა დაცვის საერთაშორისო დღეს LIB.GE სივრცემ წარმოგვიდგინა საბავშვო ფესტივალი - ,,კითხვა-კითხვით”. ფესტივალი წიგნისა და თამაშის ერთდღიანი დღესასწაულია, სადაც მისულ ბავშვებს თანამედროვე ავტორები ელოდნენ. ფესტივალის გენერალური სპონსორი კი ფარმაცევტული კომპანია ,,ავერსი’’ გახლდათ. ხოლო რაც შეეხებათ პარტნიორებს - Cavea Cinemas, გამომცემლობა პალიტრა L და მულტიფუნქციური საბავშვო სივრცე ,,თამაშობანა’’. პირველი ფესტივალი სიმბოლურად დიუშენის კუნთოვანი დისტროფიის მქონე ბავშვებს მიეძღვნა. ღონისძიება საბურთალოს სითი მოლის კავეაში შედგა, ხოლო გარე სივრცეში მისულ სტუმრებს საქართველოს კალიგრაფთა ასოციაციის კალიგრაფიის მასტერკლასი, პალიტრა სტუდიას ხატვის მასტერკლასი, ბიბლუსისა და პალიტრა L-ის წიგნების გამოფენა-გაყიდვა ფასდაკლებით,ფოტო- ზონები და ფესტივალის მეგობრების საჩუქრები ელოდათ. ამასთან, მოსულ სტუმრებს ავერსის საბავშვო ბრენდების გასართობი აქტივობებთან ერთად, პატარებისთვის განკუთვნილი გათამაშებაც დახვდათ.



#ახალიამბები #BusinessMediaGeorgia