„ავერსის კლინიკამ“ რეზიდენტების რიგით მეოთხე კონფერენცია გამართა. ღონისძიება, რომელიც უკვე ტრადიციულ საგანმანათლებლო პლატფორმად ჩამოყალიბდა, ყოველწლიურად სხვადასხვა სპეციალობისა და კურსის რეზიდენტებს აერთიანებს. ღონისძიების ფარგლებში ახალგაზრდა ექიმებმა აუდიტორიის წინაშე კლინიკური და სამეცნიერო თემები წარადგინეს, განიხილეს პრაქტიკული შემთხვევები და ერთმანეთს გამოცდილება გაუზიარეს. კონფერენციის დასასრულს კი, საუკეთესო მოხსენებების ავტორები სპეციალური ჯილდოებით დაჯილდოვდნენ. კომპანიის ინფორმაციით, კონფერენცია რეზიდენტებს აძლევს შესაძლებლობას პროფესიულ გარემოში წარმოაჩინონ საკუთარი ხედვა, იმსჯელონ მნიშვნელოვან სამედიცინო საკითხებზე და მიიღონ გამოცდილება, რომელიც მომავალ საქმიანობაში დაეხმარებათ. ღონისძიება ასევე ხელს უწყობს ცოდნის გაზიარებას და ახალგაზრდა ექიმების აკადემიური და პრაქტიკული უნარების განვითარებას.


#ახალიამბები #BusinessMediaGeorgia