შეხვედრა N4 - დღეს, პარლამენტში შექმნილი სამუშაო ჯგუფი, რომელიც სასურსათო პროდუქტებზე ფასების ზრდის მიზეზებს სწავლობს, სადისტრიბუციო სექტორის წარმომადგენლებს შეხვდა და მოისმინა ინფორმაცია იმ ხარჯების შესახებ, რაც საქონლის იმპორტიდან და საწყობიდან მაღაზიის დახლამდე მიტანას უკავშირდება. მწარმოებლების მსგავსად, სადისტრიბუციო კომპანიების წარმომადგენლების ნაწილი ერთ-ერთი მთავარ გამოწვევად რითეილ სექტორთან ურთიერთობას და ქსელების მიერ დაწესებულ გადასახადებს ასახელებს. სადისტრიბუციო კომპანია „მზიურის“ დირექტორის თქმით, 10-ლარიან პროდუქტზე 43%-იანი ფასნამატში 21% არის „რითეილის“ გადასახადები, 19% საოპერაციო ხარჯი, მხოლოდ 3%-ია სადისტრიბუციო კომპანიის მოგება.


#ახალიამბები #BusinessMediaGeorgia