საქართველო სტუმარმასპინძლობის გლობალურ ფორუმს - Hospitality Investment Forum 2026-ს, მასპინძლობს. ერევანში ჩატარებული ორი მასშტაბური ღონისძიების შემდეგ, კონფერენცია 18 თებერვალს თბილისში, სასტუმრო “შერატონ გრანდ მეტეხი პალასში” იმართება. ადგილზე სხვადასხვა პანელური დისკუსიების ფარგლებში საქართველოს სტუმარმასპინძლობის საინვესტიციო პოტენციალზე მსჯელობენ . HIF-ი წარმოადგენს საერთაშორისო საინვესტიციო პლატფორმას, რომელიც აერთიანებს წამყვან სასტუმრო ბრენდებს, ადგილობრივ და საერთაშორისო დეველოპერებს, ინვესტორებს, ტურიზმის ინდუსტრიის წამყვან ექსპერტებს, ფინანსურ და საჯარო ინსტიტუციურ პარტნიორებს.


#ახალიამბები #BusinessMediaGeorgia