პრემიერის შემდეგ აფთიაქების რაოდენობა და ლოკაციები ფარმა სექტორს ჯანდაცვის მინისტრმაც დაუწუნა. მიხეილ სარჯველაძე თვლის, რომ სხვა და სხვა ბრენდის ობიექტების სიჭარბე და ერთ ლოკაციაზე რამდენიმე კონკურენტის არსებობა, ბიზნესისთვის ტვირთია, რომელიც საბოლოოდ ფასებში აისახება. "არსად მინახავს, რამდენიმე კონკურენტი ფარმაცევტული ქსელი გვერდი-გვერდ ხსნიდეს აფთიაქს, ჩვენთან ეს უცნაურობა არის”, - ამბობს მიხეილ სარჯველაძე. ის რომ ამ განცხადებებს შესაძლოა გარკვეული რეგულირება მოჰყვეს, არ გამორიცხავენ ფარმასექტოში, თუმცა მიიჩნევენ, რომ რადიკალურად განსხვავებული მოდელების გამო, ნაკლებად რელევანტურია საქართველოს და ევროპის ქვეყნების შედარება. ამასთან, ბიზნესი ფიქრობს, რომ თუკი რეგულირებაზე ფიქრი დაიწყება, ყველა რისკ-ფაქტორის გათვლა უნდა მოხდეს. რატომ ხსნიან კონკურენტები აფთიაქებს გვერდიგვერდ და მოქმედებს თუ არა აფთიაქების რაოდენობა მედიკამენტების ფასზე?

#ახალიამბები #BusinessMediaGeorgia