ელექტროენერგიის და გაზის ტარიფები 3 თვის განმავლობაში არ გაიზრდება. შემდგომ პერიოდზე გადაწყვეტილებას სემეკი 3 თვეში დაგეგმილ
სხდომაზე იმსჯელებს. სემეკის თავმჯდომარე დავით ნარმანია აცხადებს, რომ გადაწყვეტილება სამი ძირითადი ფაქტორითაა განპირობებული, მათ შორის, ნარმანია ამბობს, რომ ელექტროენერგიის გამანაწილებელმა კომპანიებმა მარეგულირებელს პროცესის სამი თვით გადავადებასთან დაკავშირებით თავად მიმართეს. სემეკის თავმჯდომარე ასევე არ გამორიცხავს, რომ "ენერგო-პრო ჯორჯიამ", 5-წლიან საინვესტიციო გეგმას გადახედოს და დააკორექტიროს. აღსანიშნავია, ამ დრომდე იყო მოლოდინი, რომ ბაზარზე ენერგიის გაძვირების და ელექტროენერგიის გამანაწილებელი კომპანიების მიერ აღებული 2 მილიარდიანი ინვესტიციების ფონზე ტარიფების კორექტირება მოხდებოდა. გასულ კვირას კი ირაკლი კობახიძემ განაცხადა, რომ სემეკთან კონსულტაციები იქნებოდა და ეცდებოდნენ ტარიფების შენარჩუნებას. რა არგუმენტებით შეინარჩუნა სამი თვის ვადით სემეკმა ელექტროენერგიაზე ტარიფები და რას უნდა ველოდეთ უკვე სამის თვის შემდეგ?

#ახალიამბები #BusinessMediaGeorgia