თბილისი გლობალურ ინვესტორთა ფორუმს მასპინძლობს. GIF-ი სტრატეგიული პლატფორმაა, რომელიც სპარსეთის ყურის ქვეყნებსა და ევრაზიას შორის თანამშრომლობის გაძლიერებას ისახავს მიზნად. პლატფორმის პირველი ფორუმი საქართველოში ტარდება და მისი მიზანია ერთიანი საინვესტიციო ეკოსისტემის შექმნა, რომელიც გაამყარებს ეკონომიკურ კავშირებს და გააფართოებს ინვესტიციების მოზიდვის შესაძლებლობებს. ორდღიანი ფორუმი პანელურ დისკუსიებს, საინვესტიციო პრეზენტაციებსა და მაღალი დონის ბიზნეს-სესიებს მოიცავს, რომელშიც მონაწილეობს 1,500-ზე მეტი დელეგატი და საერთაშორისო სპიკერი 40-ზე მეტი ქვეყნიდან. GIF 2025 ორგანიზებულია EurAsia Gulf-თან სტრატეგიული პარტნიორობით, ხოლო ღონისძიების მთავარი პარტნიორია AGI Holding. ფორუმს ასევე მხარს უჭერენ საერთაშორისო სავაჭრო პალატა ICC და ჰონგ-კონგისა და ახლო აღმოსავლეთის ბიზნესპალატა. თანამშრომლობის რა ახალ შესაძლებლობებს ხედავენ დელეგატები და რა საინვესტიციო პროექტები იგეგმება პლატფორმის ფარგლებში?


#ახალიამბები #BusinessMediaGeorgia