"უსაფრთხო უძრავი ქონება" - ამ სახელწოდებით 25 ნოემბერს, თბილისში GREMO 2025 ჩატარდება. სამშენებლო და დეველოპერული სექტორის წარმომადგენლებისთვის კონფერენცია უკვე მე-4 წელია თბილისსა და ბათუმში იმართება. შეხვედრის მიზანი საქართველოში უძრავი ქონების სექტორის განვითარებაა.

ღონისძიება BMG-სა და გაყიდვების კომპანია Prospect-ის კოლაბორაციით, გადაცემა "უძრავი ქონების პროსპექტის" ქოლგის ქვეშ ტარდება. მისი მთავარი მხარდამჭერია სამშენებლო დეველოპერული კომპანია "ალიანს ჯგუფი."

ღონისძიება ფოკუსირებული იქნება უსაფრთხოების მრავალმხრივ ასპექტებზე, რომლებიც მოიცავს როგორც ფიზიკურ და კონსტრუქციულ მდგრადობას, ასევე ფინანსურ და იურიდიულ საკითხებს. აღნიშნული მიმართულებები კი ერთიანად უბნებისა და გარემო პირობების უსაფრთხო და მდგრადი განვითარების ხელშეწყობას ისახავს მიზნად.

შეხვედრის ფარგლებში დამსწრე აუდიტორიას მიმდინარე წლის ტენდენციებზე კვლევის შედეგებს წარუდგენს "თიბისი კაპიტალი." ასევე თემატური პრეზენტაციები ექნებათ კონფერენციაში მონაწილე კომპანიებსაც, რის შემდეგაც პანელური დისკუსია გაიმართება.

ოფიციალური ნაწილის დასრულების შემდეგ ტრადიციულად გადაცემა "უძრავი ქონების პროსპექტი "ქვეყნის მშენებლობაში დადებული აგურისთვის" სექტორის რამდენიმე გამორჩეულ წარმომადგენელს დააჯილდოებს.

GREMO 2025-ის მხარდამჭერები არიან დეველოპერული კომპანიები: "იელთი ჯგუფი," "აპექს დეველოპმენტი," კომპანია "არქი," "სიმეტრია," საინჟინრო კომპანია "ბაუმერი", არქიტექტურული ფირმა "ტასჰაბი" და სამშენებლო მასალების იმპორტიორი კომპანია „ბილდინგ სოლუშენი.„

ჩვენ თავდაპირველად ღონისძიების ჩატარების თარიღად 21 ნოემბერი დავასახელეთ და ამან ცვლილებამ მცირედი დაბნეულობა შექმნა ჩვენს პარტნიორებში, ამიტომ კიდევ ერთხელ განვმარტავთ, რომ ღონისძიების ჩატარების თარიღი იქნება 25 ნოემბერი, სამშაბათი. უცვლელია შეხვედრის ადგილი და დრო - ეს იქნება სასტუმრო „შერატონ გრანდ თბილისი მეტეხი პალასი“, საღამოს 18სთ-დან.

სტუმრები: მამუკა მახარაძე - „იელთი ჯგუფი,“ გენერალური დირექტორი; სტუდიაში:
გუგა კობახიძე - "პროსპექტი", CEO;
ია მოდებაძე - "ბაუმერი", მარკეტინგის მენეჯერი;

#ახალიამბები #BusinessMediaGeorgia