ამერიკის შეერთებული შტატების პრეზიდენტმა, დონალდ ტრამპმა საუდის არაბეთი NATO-ს არაწევრ მთავარ პარტნიორად დაასახელა. ეს გადაწყვეტილება მან საუდის არაბეთის ტახტის მემკვიდრესა და არაფორმალურ მმართველთან მუჰამედ ბინ სალმათან ვაშინგტონში შეხვედრისას გააჟღერა. მან განმარტა, რომ აშშ-სა და საუდის არაბეთს შორის თავდაცვით სფეროში თანამშრომლობა ამიერიდან უფრო მაღალ საფეხურზე გადავა. აღსანიშნავია, რომ თეთრ სახლში სახელმწიფო ვიზიტით მყოფი პრინც სალმანსა და დონალდ ტრამპს შორის ხელი ახალ სამხედრო შეთანხმებასაც მოეწერა, რომლის ფარგლებშიც შტატები საუდის არაბეთს F-35 ტიპის გამანადგურებლებს მიჰყიდის. ცხადია, ამის მიღმა იყო ბევრი დეტალი ამ უმნიშვნელოვანესი ვიზიტის ირგვლივ და გარშემოც.


#ახალიამბები #BusinessMediaGeorgia