საქართველოს ბანკის ორგანიზებით, გაეროს განვითარების პროგრამის (UNDP), შვედეთის მთავრობისა და EFSE Entrepreneurship Academy-ის მხარდაჭერით, მეწარმე ქალთა განვითარების პროგრამის მე-14 ნაკადმა საგანმანათლებლო ინტენსიურ ვორკშოპზე კვალიფიკაცია აიმაღლა. ვორკშოპი 15-17 ოქტომბერს თბილისში, სასტუმრო Pullman-ში გაიმართა. ინტენსიურ ვორკშოპებზე მონაწილეებს შესაძლებლობა ჰქონდათ, სხვადასხვა დარგის ექსპერტისგან მიეღოთ ცოდნა ბიზნესის მართვასთან დაკავშირებულ სხვადასხვა თემაზე მათ შორისაა: სოციალური მედიის მართვა, ციფრული მარკეტინგი,ხელოვნური ინტელექტი, გაყიდვები, ელექტრონული კომერცია და ბიზნესის განვითარება. პროგრამა ინოვაციური იდეების მქონე ქალ მეწარმეებს ბიზნესის დაწყებისა და განვითარების ყველა ეტაპზე 360°-იან მხარდაჭერას სთავაზობს. იგი ოთხ ძირითად ღირებულებას– ცოდნას, მხარდაჭერას, გამოცდილებასა და თანამშრომლობას ეფუძნება. პროგრამა სხვადასხვა კომპონენტისგან შედგება, მათ შორისაა საგანმანათლებლო ნაწილი, რომლის ფარგლებში უკვე 300-მდე მეწარმე ქალმა მიიღო კვალიფიციური მენტორებისგან სხვადასხვა თემაზე ინფორმაცია.


#ახალიამბები #BusinessMediaGeorgia