რუსეთში ბენზინის კრიზისი გეომეტრიული პროგრესიით მწვავდება. ჯერ კიდევ აგვისტოს მიწურულს საწვავის დეფიციტი მხოლოდ პრიმორიეს მხარესა და ანექსირებულ ყირიმში შეიმჩნეოდა, თუმცა ახლა ეს პრობლემა უკვე 57 რეგიონშია გავრცელებული. დეფიციტის შედეგად ინტენსიურად იზრდება საწვავის ფასები და იხურება ბენზინგასამართი სადგურები, ზოგიერთ რეგიონში კი ბენზინი უკვე ლიმიტირებულად, მხოლოდ ტალონების მეშვეობთ იყიდება. ამ ყველაფრის მიზეზი, განსაკუთრებით ბოლო კვირების განმავლობაში, უკრაინის მიერ რუსეთის ნავთობგადამამუშავებელ ქარხნებზე მზარდი იერიშებია. რის შედეგადაც, მათი სიმძლავრის დაახლოებით 38%-ით არის გაჩერებული. როგორ აღმოჩნდა ენერგოიმპერია უენერგიოდ და რეალურად რამდენად მძიმეა ის კრიზისი, რაზეც მათ შორის, ამერიკის პრეზიდენტიც მიუთითებს?

#ახალიამბები #BusinessMediaGeorgia