რაც შეეხება გუშინ ანუ 4 ოქტომბერს განვითარებულ მოვლენებს, ეს იყო ერთის მხრივ ადგილობრივი არჩევნები და მეორეს მხრივ პროტესტი, რომელსაც გაუთვალისწინებელი ძალადობის ფაქტებიც მოჰყვა, რაც განსხვავებით დეკემბრის მოვლენებისგან ვნახეთ პერსონიფიცირებული შესრულებით. დავიწყოთ ადგილობრივი არჩევნების თემით: სიმართლე გითხრათ ჩემთვის გაუგებარია-რაზე ან/და ვისზე ზეიმობს გამარჯვებას “ქართული ოცნება”? ვინმე თვლით რომ ეს არჩევნები იყო და შეჯიბრი პოლიტიკოსებს, პარტიებს ,მათ იდეებს, პროექტებს და ხედვებს შორის? არცერთი. სხვა პარტიებმა მონაწილეობა არჩევნებში მიიღეს საბიუჯეტო დაფინანსების მიღების და მმართველ პარტიასთან ეპიზოდური ვასვასის გამო, რადგან საქართველოში პოლიტიკის დაფინანსების სხვა წყარო არც დარჩა. მომკალი და ეჭვი მეპარება მმართველმა პარტიამ გააკეთოს რაიმე დასკვნები ამ “არჩევნებიდან”-ისინი გააგრძელებენ საკუთარ “სივრცეში” (ბაბლი) არსებობას და არც ეცდებიან რაიმეს გამოსწორებას რომ მათი ყოველდღიურობა ნორმალური ცხოვრების რიტმს დაუბრუნდეს. ვერც იმას მიხვდებიან რომ საბოლოოდ რა %-საც დაიწერენ “არჩევნებში” ერთი მაგდენი მათით უკმაყოფილოა და მობეზრებული 13 წლის მმართველობის თავზე. ამას დაუმატეთ მმართველი პარტიის რიგებში გეომეტრიული პროგრესიით მომრავლებული უკმაყოფილოები ანტიკორუფციული ღონისძიებების ფონზე. ციფრები და რიცხვები კი მმართველი პარტიისთვის უმძიმეს დიაგნოზს სვამს - ავიღოთ მხოლოდ თბილისის მაგალითი, ეს ცესკოს ოფიციალური წინასწარი მონაცემებია, რომელიც კორექციას განიცდის კლებისკენ ახლაც, მაგრამ მნიშვნელობა არა აქვს, წარმოვიდგინოთ რომ ასეა:
თბილისში ამომრჩევლების რაოდენობა 1 043 482 ადამიანს აღწევს. 4 ოქტომბრის არჩევნებში მონაწილეობა 324 281 ( ანუ 31,08%-მა) ამომრჩეველმა მიიღო.აქედან ცესკოს პირველადი მონაცემებით, კახა კალაძემ 214 575 ადამიანის ხმა მიიღო. ანუ კახა კალაძემ მიიღო 80% და შეიძლება მეტიც გუშინდელ არჩევნებში-ზუსტად ვერ გეტყვით-დაელოდეთ ცესკოს, მაგრამ მას აქვს თბილისის ამომრჩევლის მხოლოდ 20.56% მხარდაჭერა.გაკეთდება ამის ფონზე დასკვნები?ძალიან ძალიან მეპარება ეჭვი.ისევე როგორც მეპარება ეჭვი, მმართველ პარტიაში ესმოდეთ მარტივი ჭეშმარიტება, ან თ

#ახალიამბები #BusinessMediaGeorgia