მადლობა ყველას ვინც ჩართული იყო ეროვნული ვალუტის შემოღების პროცესში და მის საქართველოში ერთადერთ საგადამხდელო საშუალებად დამკვიდრებაში, რაც ოფიციალურად 1995 წლის 2 ოქტომბერს გამოცხადდა. მან დროებითი ვალუტა კუპონი ჩაანაცვლა, რომელიც დამოუკიდებლობის შემოღების შემდეგ რამდენიმე წელი არსებობდა, თუმცა აღნიშნულ პერიოდში არსებული უმწვავესი ეკონომიკური კრიზისის, კორუფციის, ინსტიტუტების ჩამოშლის, არასწორი მონეტარული პოლიტიკისა და მიმდინარე საომარი ვითარების ფონზე ჰიპერინფლაცია განიცადა.ამას კი არსებულ პერიოდში სიღარიბის ფართომასშტაბიანი ზრდა და ქვეყნიდან ემიგრაციის ტალღაც სდევდა. 1995 წლიდან საქართველომ საერთაშორისო დონორების, კერძოდ კი, საერთაშორისო სავალუტო ფონდის ფინანსური დახმარებით მონეტარული პოლიტიკის დასტაბილურება შეძლო, ორნიშნა და სამნიშნა ინფლაცია და გაცვლითი კურსის მერყეობა შემცირდა. შედეგად, ბოლო 30 წლის განმავლობაში საქართველოში ინფლაცია საშუალოდ 5.7%-ს შეადგენდა. რაც შეეხება გაცვლით კურსს, აშშ დოლართან ლარის შემოღების დროს საწყისი კურსი 1.30-ს შეადგენდა და ის 1.3-1.4-ის ნიშნულებში 1998 წლამდე ნარჩუნდებოდა, თუმცა უკვე 1998 წლიდან აზიის ფინანსური კრიზისის ფონზე საქართველოსა და რეგიონის ქვეყნების საგადასახდელო ბალანსის გაუარესებამ ლარის გაუფასურება განაპირობა. ამ დროს კურსი ჯერ 1.8-მდე შემდეგ კი 2-მდე გაიზარდა. 2001-2003 წლებში ერთი დოლარი საშუალოდ 2.1-2.2 ლარი ღირდა, 2004 წლიდან კი ქვეყანაში მაღალი ეკონომიკური ზრდის, გაზრდილი ექსპორტისა და ქვეყანაში FDI-ის მაღალი ნაკადების კვალდაკვალ ლარის გაცვლითი კურსი გამყარდა. 2005 წელს ჯერ 1.8-მდე, 2006-2007 წლებში კი საშუალოდ 1.7-მდე. 2008 წელს კი ლარი კიდევ უფრო მეტად გამყარდა და აგვისტოს ომამდე ერთი დოლარი 1.4 ლარი ღირდა. კურსი გაუფასურდა 2008 წლის ნოემბერში და ის 1.66 გახდა. მას შემდეგ 2009-2010 კურსი ძირითადად 1.66-დან 1.80-ის ნიშნულებში მონაცვლეობდა. 2013 წელს კურსი ჯერ 1.75-მდე გაიზარდა, ხოლო 2014 წლის ოქტომბრიდან ის 1.8-მდე, შემდეგ კი 2015 წლის დასაწყისში 2.3-მდეც გაუფასურდა. აღნიშნულ პერიოდში ლარის გაცვლითი კურსის გაუფასურება ადგილობრივი საგადასახდელო ბალანსის გაუარესებით და რეგიონუ

#ახალიამბები #BusinessMediaGeorgia