საქართველოს ბანკი, როგორც განათლების მთავარი მხარდამჭერი ბანკი შესაძლებლობების შექმნას განაგრძობს. სწორედ ამიტომ, მასწავლებლების პროფესიის დაფასების მიზნით, მასწავლებლის ეროვნული ჯილდოს კონკურსის მთავარი მხარდამჭერია. 2025 წლის მასწავლებლის ეროვნული ჯილდოს კონკურსის გამარჯვებული ილია ჭავჭავაძის სახელობის ახალქალაქის N3 საჯარო სკოლის მე და საზოგადოების, სამოქალაქო განათლებისა და მოქალაქეობის მასწავლებელი, ჟანა ხაჩატურიანი გახდა. წლევანდელი მასწავლებლების ეროვნული ჯილდოს ხუთ ფინალისტს შორის ასევე მოხვდა: შალვა მინდაძე, თბილისის N70 საჯარო სკოლის ისტორიის მასწავლებელი; ელენე ბეთლემიშვილი, გორის N3 და N8 საჯარო სკოლის დაწყებითი საფეხურის მასწავლებელი; ნესტან კუბლაშვილი, თბილისის N172 საჯარო სკოლის ქართული ენისა და ლიტერატურის მასწავლებელი და მაია ლაპიაშვილი, დედოფლისწყაროს N1 საჯარო სკოლის გეოგრაფიის და სამოქალაქო განათლების მასწავლებელი. აქვე გეტყვით იმასაც, რომ მასწავლებლის ეროვნული ჯილდოს კონკურსში საუკეთესო ათეული განათლების სფეროსა და საზოგადოების წარმომადგენლებით დაკომპლექტებულმა ჟიურიმ შეარჩია. ფინალისტებს საქართველოს ბანკისგან ჯილდოები გადაეცათ, კონკურსის გენერალური სპონსორისგან, „გუდავაძე-პატარკაციშვილის ფონდისგან“ კი გამარჯვებულმა პრიზის სახითით, 15 000 ლარი მიიღო.


#ახალიამბები #BusinessMediaGeorgia