კოალიციის „განათლება ყველასათვის - საქართველო“ და მასწავლებელთა პროფესიული განვითარების ეროვნული ცენტრის წარმომადგენლები იმერეთისა და სამეგრელოს რეგიონის მასწავლებლებს შეხვდნენ.
კოალიციის გამგეობის თავმჯდომარემ და ცენტრის დირექტორმა მასწავლებლებს კამპანიის მიზანი, კონკურსში მონაწილეობის წესები და სხვა დეტალები გააცნეს. შეხვედრაზე, ასევე, ცნობილი გახდა საკონკურსო ეტაპების ვადები, რომლის მიხედვით, მასწავლებლები, სპეციალურად შექმნილ სარეგისტრაციო ვებგვერდზე 14 ივლისამდე შეძლებენ აპლიკაციების შევსებას. განაცხადების ტექნიკური შემოწმება კი 4 აგვისტომდე გაგრძელდება, ხოლო 7 აგვისტოდან მასწავლებლის ეროვნული ჯილდოსთვის შექმნილი ჟიური ჯერ 10 კანდიდატს, ხოლო მოგვიანებით 5 ფინალისტს გამოავლენს.
ფინალისტებიდან გამარჯვებულის გამოვლენა კონსენსუსის საფუძველზე მოხდება. გამარჯვებული მასწავლებელი 5 ოქტომბერს, მასწავლებლის მსოფლიო დღეს დასახელდება.