წინანდლის ისტორიულ მამულში მე-7 საფესტივალო სეზონი საზეიმოდ დაიხურა. ფესტივალის სავიზიტო ბარათად ქცეულ პან-კავკასიურ ახალგაზრდულ ორკესტრს, ცნობილი დირიჟორი დანიელ ბლენდ-ალფი უძღვებოდა. დასკვნით კონცერტზე მაყურებლის წინაშე წარსდგა მსოფლიოში აღიარებული ახალგაზრდა ჩელისტი, პაბლო ფერანდესი. შესრულდა დვორჟაკის და გუსტავ მალერის ნაწარმოებები. წინანდლის ფესტივალს ისტორიულ მამულში ტრადიციულად კომპანია სილქნეტი წარადგენს და ყოველწლიურად სულ უფრო მეტ მსოფლიო დონის შემსრულებელსა და მუსიკის მოყვარულს იზიდავს. მე-7 სეზონი მრავალფეროვანი პროგრამითა და მუსიკოსთა ვარსკვლავური შემადგენლობით გამორჩეული 11-ტ საფესტივალო დღეს და 23 კონცერტს მოიცავდა. ფესტივალი ერთი წლით დაემშვიდობა გულშემატკივარს.


#ახალიამბები #BusinessMediaGeorgia