2024 წელს 308-მა თანამდებობის პირმა 22 მილიონი ლარის ღირებულების საჩუქრები მიიღეს - ამის შესახებ საერთაშორისო გამჭვირვალობა საქართველოს მიერ მომზადებულ კვლევაშია აღნიშნული, რომლის მიხედვითაც, აქედან ნაღდი ფულის სახით 16 მლნ ლარი გადაეცათ. ამას გარდა საჩუქრებში იყო 33 ბინა, 14 მიწის ნაკვეთი, 21 ავტომობილი და 6 იარაღი. საჩუქრების 72% (16 მლნ ლარი) მათ მშობლებისგან მიიღეს.

მაღალი თანამდებობის პირებიდან 100,000 ლარზე მეტი ღირებულების საჩუქრები მიიღეს მაშინდელმა პრემიერ მინისტრმა ირაკლი ღარიბაშვილმა, იუსტიციის მაშინდელმა მინისტრმა რატი ბრეგაძემ, თბილისის საკრებულოს მაშინდელმა თავმჯდომარემ გიორგი ტყემალაძემ, უზენაესი სასამართლოს მოსამართლემ გიორგი მიქაუტაძემ. ყველაზე მეტი საჩუქარი ჯამური ღირებულებით 4.5 მლნ ლარის ოდენობით პროკურატურის თანამშრომლებმა მიიღეს. პარლამენტის წევრებმა 2.4 მლნ ლარის საჩუქრები მიიღეს, შსს-ს თანამშრომლებმა 2 მლნ ლარის, მოსამართლეებმა კი 1.3 მლნ ლარის.

„საერთაშორისო გამჭვირვალობა - საქართველომ” სახელმწიფო სექტორში დასაქმებული 6, 000-მდე თანამდებობის პირის ქონებრივი დეკლარაცია შეისწავლა.

სტუმარი: ბესო ნამჩავაძე - საერთაშორისო გამჭვირვალობა-საქართველო-ს უფროსი ანალიტიკოსი

#ახალიამბები #BusinessMediaGeorgia