Wizzair-ი ფრენებს ვენის მიმართულებით ქუთაისიდანაც შეწყვეტს, ამის შესახებ bm.ge-ის ინფორმაციაში ავიაკომპანიაში დაუდასტურეს.
როგორც ცნობილი გახდა, უნგრული დაბალბიუჯეტიანი ავიაკომპანია ვენის საერთაშორისო აეროპორტში ბაზას დახურავს. Wizzair-ის ინფორმაციით, ბაზა ორ ეტაპად დაიხურება. კერძოდ, ორი თვითმფრინავი და მარშრუტები ბილბაოსა და ლონდონის აეროპორტის მიმართულებით 2025 წლის 26 ოქტომბერს დასრულდება, ხოლო დარჩენილი სამი თვითმფრინავი და ყველა სხვა მარშრუტი 2026 წლის 15 მარტს შეწყდება. მიზეზი მაღალი გადასახადია: "ავიაკომპანიამ, რომელმაც ვენაში ბაზა 2018 წელს გახსნა, განაცხადა, რომ აეროპორტის ფასების, გადასახადებისა და მიწისზედა მომსახურების საფასურის ზრდამ ოპერაციები მის დაბალბიუჯეტიან მოდელთან შეუთავსებელი გახადა".

ცნობისთვის, Wizzair-ი ქუთაისის აეროპორტიდან ვენის მიმართულებით ამჟამად კვირაში ოთხი სიხშირით დაფრინავს, ნოემბრიდან კი - სამი სიხშირით. კონკრეტულად, როდიდან შეწყდება ქუთაისი-ვენის რეისები, უცნობია. როგორც ავიაკომპანიაში bm.ge-ს განუცხადეს, ფრენები ვენისკენ ეტაპობრივად გაუქმდება.

ვენამდე კი იყო აბუ-დაბის მიმართულების გაუქმება. 14 ივლისს Wizz air-მა გაავრცელა ინფორმაცია, რომლის მიხედვითაც ფრენები მიმდინარე თვიდან გაჩერდებოდა. გადაწყვეტილება ცხადია გავრცელდა ქუთაისზეც, საიდანაც ქუთაისი-აბუ დაბი დაფრინავდა.
დასავლეთ საქართველოში მომუშავე ტურისტული კომპანიების წარმომადგენლები ამბობენ, რომ ორივე გადაწყვეტილება სექტორის მნიშვნელოვნად აზარალებს და აუცილებელია, შესაბამისმა უწყებებმა ალტერნატიულ ავიაკომპანიების შემოყვანაზე იმუშაოს.

საქართველოთი დაინტერესების რა რესურსი არსებობს ავიაინდუსტრიაში და რას უკავშირდება ვიზეარის პოლიტიკა?

სტუმარი: გიორგი მოლოდინაშვილი - საავიაციო საკონსულტაციო ჯგუფის მმართველი პარტნიორი და საავიაციო კომიტეტის ხელმძღვანელი;

#ახალიამბები #BusinessMediaGeorgia