8-დან 14 სექტემბრის ჩათვლით საქართველომ „მილანის ახალგაზრდულ საფეხბურთო ბანაკს” პირველად უმასპინძლებს. პროექტის თანაორგანიზატორი იტალიის საელჩოა და ღონისძიება იტალიის სპორტის დღეების ფარგლებში ტარდება. კომპანია „კოკა-კოლა ბოთლერს ჯორჯია“ კი ბანაკის პარტნიორია. “კოკა-კოლა” ამ პროექტის მხარდაჭერით, ახალგაზრდა ფეხბურთელებს პროფესიონალიზმის ამაღლებაში ეხმარება და მათთვის საერთაშორისო საფეხბურთო გამოცდილების შეძენას უწყობს ხელს. როგორც გლობალურად, ასევე საქართველოს მასშტაბით, კომპანიის ერთ-ერთი მთავარი მისია - ჯანსაღი ცხოვრების ხელშეწყობა და ფეხბურთის განვითარებაა. “კოკა-კოლა ბოთლრეს ჯორჯიაში” აცხადებენ, რომ მათი მიზანია მომავალ თაობას შეუქმნან ისეთი გარემო, სადაც სპორტის საშუალებით შეძლებენ საკუთარი პოტენციალის აღმოჩენასა და განვითარებას.

#ახალიამბები #BusinessMediaGeorgia