წალკის კანიონის ტურისტულ კომპლექსში ატრაქციონების პარკი გაიხსნა. ატრაქციონების პარკი Kass Land-ის ახალი პროექტია, რომელიც საქართველოს ბანკთან თანამშრომლობით განხორციელდა. საქართველოს ბანკის ერთ-ერთი პრიორიტეტული მიმართულება ქვეყანაში ტურიზმისა და სტუმარმასპინძლობის სექტორის განვითარებაა, შესაბამისად, კას ლენდის ახალი პროექტის მხარდაჭერაც ბანკის ხედვის ნაწილია.KAS ჯგუფმა საქართველოში ტურისტულად გამორჩეული ადგილების შექმნა 2016 წლიდან დაიწყო. ბრილიანტის მინის ხიდი, რომელიც წალკის სიმბოლოდ იქცა, რესტორნები, სასტუმრო, ვილები - მოკლედ კას ლენდის კომპლექსში ყველა საჭირო ინფრასტრუქტურაა ხარისხიანი დასვენებისთვის, ამჯერად კი - ატრაქციონების პარკი დამატებითი მოტივაციაა იმ სტუმრებისთვის რომლებსაც ერთ დღიანი განტვირთვა და ოჯახთან თუ მეგობრებთან დროის სასიამოვნოდ გატარება სურთ. ატრაქციონების პარკი ფუნქციონირებს და ყოველდღიურად მასპინძლობს სტუმრებს. სიმწვანის, მთებისა და სუფთა ჰაერი პარკში ჯადოსნურ ატმოსფეროს ქმნის. სხვა თანამედროვე ატრაქციონებთან ერთად პარკში ევროპაში ერთ-ერთი ყველაზე გრძელი კარტინგის ტრასაა.

#ახალიამბები #BusinessMediaGeorgia