კომპანია საქართველოს და რეგიონის მნიშვნელოვანი მოთამაშედ იქცა თავიდან მეტალპლასტმასის და შემდგომ, სხვა მიმართულებების წარმოების კუთხით. ამ კომპანიის ისტორია იწყება 2000 იან წლებში, ბიზნესმენ ზურაბ გიორგაძის მიერ რომელმაც თანამოაზრეებთან ერთად გარკვეული პერიოდი ჯერ იჯარით აღებულ საწარმოში საქმიანობდა, 2006 წელს კი პირველი დამოუკიდებელი საწარმო ააშენეს. წარმატებულ ოპერირებას 2008 წელს მეორე საწარმოც მოჰყვა. სხვადასხვა გამოწვევის ფონზე "ელჯიჯი" მუდმივად ახერხებდა ზრდას და ასეა ახლაც. კომპანია გასულ წელს თბილისს გაცდა და წეროვანში მინის საწარმო აამოქმედა რისთვისაც რამდენიმე მილიონის ინვესტიცია განახორციელა. "ელჯიჯის" წარმოება უკვე მეტალპლასტმასს, ალუმინს და მინასაც მოიცავს.

ზურა გიორგაძემ ბიზნესი 14.000 დოლარით დაიწყო, რომელიც გაყიდული სახლიდან ერგო, დღეს კი ელჯიჯი უკვე მართლაც მნიშვნელოვანი მოთამაშეა, როგორც კარ-ფანჯრების, აივნის მოაჯირების, აბაზანის სისტემის და მინის მწარმოებელი კომპანია, მნიშვნელოვანი საბაზრო წილით საქართველოს ბაზარზე, სრული საერთაშორისო აკრედიტაციით და აუდიტით რაც მათ აძლევთ საშუალებას საქართველოში წარმოებული პროდუქტი მსოფლიოს სხვადასხვა ქვეყნებს მიაწოდონ.

სტუმარი: გიორგი გიორგაძე - LGG-ის აღმასრულებელი დირექტორის მოადგილე

#ახალიამბები #BusinessMediaGeorgia