დღეს რუბრიკაში "გზამკვლევი დეველოპერებისთვის" "იბერკომპანი ჰოლდინგის" ხელმძღვანელს ლევან დიასამიძეს ვმასპინძლობთ, რომელიც კომპანიის მიმდინარე და სამომავლო პროექტებზე ისაუბრებს. თუმცა ვიდრე მასთან გადავინაცვლებ იქამდე მოკლედ მოგიყვებით კომპანიის შესახებ, - „ფიგურები დეველოპმენტი“ ქართულ დეველოპერულ ბაზარზე 2024 წლის დასაწყისში გამოჩნდა, თუმცა მოკლე დროის მიუხედავად საკმაოდ სწრაფად ვითარდება და ბაზარს განსხვავებულ კონცეფციას სთავაზობს, რაც ფუნქციური საცხოვრებელი გარემოს შექმნის მიზნებს ემსახურება.
მათი პირველი პროექტი პოლიტკოვსკაიას 46 ნომერში შენდება რომელიც უკვე დასრულების ეტაპზეა. თუმცა ამას გარდა, კომპანია უახლოეს პერიოდში უძრავი ქონების მიმართულებით განვითარებასა და გაფართოებას მთელი საქართველოს მასშტაბით აანონსებს და ერთ-ერთი ახალი ობიექტის შესახებ, რომელიც გონიოში უნდა აშენდეს, ანონსს ჩვენი მაყურებელი რამდენიმე წთ-ში მოისმენს. დეტალებზე სასაუბროდ კი უკვე დროა სტუმართან გადავინაცვლო. მოგესალმებით ბატონო ლევან, მადლობა სტუმრობისთვის. ვიდრე უშუალოდ პროექტებზე საუბარს დავიწყებდეთ, მინდა კომენტარი გთხოვოთ გუშინ მომხდარ ფაქტთან დაკავშირებით. ავტომობილზე დაცემული ამწის კაუჭი ყველამ ვიხილეთ, რომელიც თქვენს კომპანიას ეკუთვნოდა. რა მოხდა შემთხვევის ადგილზე? და ზოგადად როგორ ზრუნავს კომპანია უსაფრთხოებაზე?

სტუმარი: ლევან დიასამიძე - "იბერკომპანი ჰოლდინგის” CEO


#ახალიამბები #BusinessMediaGeorgia