სასამართლოს პრეცენდენტული გადაწყვეტილება - საერთაშორისო აიტი კომპანიამ შემოსავლების სამსახურს სასამართლოს ორ ინსტანციაში დავა მოუგო. დავის საგანს 2021 წლიდან საგადასახადო პრაქტიკის ცვლილება წარმოადგენს, რა დროსაც კომპანიას, რომელიც ვზპ სტატუსი 2018 წლიდან აქვს მინიჭებული და საგადასახადო შეღავათებით სარგებლობს, აუდიტის დეპარტამენტმა შემოწმების შედეგად გადასახადი და ჯარიმა დააკისრა. როგორც ცნობილია, საგადასახადო პრაქტიკის ცვლილებიდან გამომდინარე ფინანსთა სამინისტრო განვლილ პერიოდზე საინფორმაციო ტექნოლოგიურ კომპანიებს რამდენიმე მილიონ ლარს ედავება. აღნიშნული საქმის იურისტის ინფორმაციით, დავა, რომელიც 2022 წლის იანვრიდან მიმდინარეობს, სასამართლოს პირველმა ინსტანციამ მათ სასარგებლოდ გადაწყვიტა, ქვედა ინსტანციის სასამართლოს გადაწყვეტილება გაიზიარა სააპელაციო ინსტანციამაც. რას ცვლის ასეთი პრეცენდენტი სხვა კომპანიებისთვის, რამდენად ბუნდოვანია არსებული კანონმდებლობა და როგორი უნდა იყოს სახელმწიფო პოლიტიკა ამ დარგის განვითარების მიზნებისთვის, მათ შორის რეგულაციებთან მიმართებით?

სტუმარი: შორენა კოპალეიშვილი - „საქართველოს ვირტუალური ზონის პირთა ასოციაციის“ თავმჯდომარე

#ახალიამბები #BusinessMediaGeorgia