ეს კვირეული დიდებული გამარჯვებით დაგვირგვინდა. პირველ რიგში საფრანგეთის წამყვანი საფეხბურთო კლუბისთვის. „პარი სენ-ჟერმენმა“ ჩემპიონთა ლიგა ისტორიაში პირველად მოიგო. გუნდს აქამდე ერთხელ ჰქონდა ფინალში ნათამაშები, 2020 წელს პარიზელები მიუნხენის „ბაიერნთან“ დამარცხდნენ. "პეესჯემ" ტრებლეც დადო, გამომდინარე იქიდან რომ მიითვალა საფრანგეთის ლიგის, თასისი და აწ უკვე ჩემპიონთა ლიგის გამარჯვებაც. შეუძლია იყოს ამაყი, თავისი ცხოვრებით და მიღწევებით ფეხბურთის ლეგენდარული სპეციალისტი ლუის ენრიკე,რომელმაც ტრებლე ანუ სეზონში სამი ტურნირის მოგება. ძალიან შინაურული იყო ქართველებისთვის ენრიკეს ემოცია სტადიონზე, რომელსაც 10 წლის წინანდელი სევდიანი სიხარული დასდევდა რომელსაც მის ქალიშვილთან ერთად აღნიშნავდა ბარსელონას გამარჯვებას.
გუშინ, დიდი სიხარული იყო საქართველოში, მთელი ქვეყანა, ოჯახები, სამეზობლოები და უბნები, ქალაქები, დაბები, სოფლები თუ იქ სახელდახელოდ შეკრებილი ბირჟები, ხარობდნენ საქართველოს წარმატებითაც, რაც ხვიჩა კვარაცხელიას უკავშირდება. ხვიჩა არ არის უბრალოდ ჩემპიონთა ლიგის გამარჯვებული, ის ავტორია ისტორიისა საქართველოსთვის რომელიც ფინალში მის მიერ გოლის გატანას გულისხმობს. თავის პირველ კომენტარში მშობლიური, ანუ ქართველი გულშემატკივრებისთვის, ქართული ფეხბურთის ვარსკვლავი ამბობს, რომ მადლობელია, და მადლობელია იმისთვის რომ შრომა დაუფასდა. დაუფასდა შრომა რომელმაც ასეთი სიხარული და ბედნიერება, აღიარება და წარმატება მოუტანა კვარას, მის ოჯახს, მშობლებსა და მთელ საქართველოს.

#ახალიამბები #BusinessMediaGeorgia