ბავშვებმაც, დიდებმაც და პატარებმაც, ხანშიშესულებმა თუ ხანდაზმულებმაც მინდა იცოდნენ კიდევ ერთი ისტორიის, და პიროვნების შესახებ რომელზეც განსაკუთრებულად რთულია საუბარი წარსულ დროში მისი ოჯახისთვის, ნათესავებისთვის, მეგობრებისთვის, საქმიანი პარტნიორებისთვისა და უბრალო ნაცნობებისთვის, რომელთაც რამდენიმე თვის წინ ზეციურ საქართველოში გააცილეს კომპანია "ბიბლუსის" გენერალური დირექტორი, ბიზნესმენი და ანტრეპრენერი ირაკლი გაგნიძე. გამორჩეული პიროვნული და მენეჯერული უნარების ახალგაზრდა კაცმა, სრულიად წარმოუდგენელი შედეგები დადო ბიზნესშიც, მას შემდეგ რაც ჩაიბარა "ბიბლუსი" და თანამოაზრეებთან ერთად, ფაქტობრივად, 21-ე საუკუნის წიგნის გამავრცელებელთა საზოგადოების კვალს გაჰყვა. ყველასთვის წარმოუდგენელი, ან გნებავთ შეუსრულებელი მისია დაისახეს მიზნად და გამოუვიდათ. გამოუვიდათ სწორედ იმ თვისებების, უნარების, ცოდნის, ადამიანებთან ურთიერთობების და საჯარო კომუნიცირების თუ ანგარიშვალდებულების გამო, რითაც უხვად იყო დაჯილდოებული ირაკლი გაგნიძის პიროვნება, და იმავეს უზიარებდა გუნდს, თუ ყველას ვისთანაც შეხებაში მოდიოდა. რამდენიმე დღის წინ, კომპანია "ბიბლუსს" 17 წელი შეუსრულდა. ეს იყო პირველი დაბადების დღე კომპანიის ისტორიაში, რომელიც აღინიშნა ირაკლი გაგნიძეს გარეშე. ჩვენი პატივისცემა "ბიბლუსის" გუნდს, და ირაკლი გაგნიძეს ოჯახობას, სამეგობროს. მადლობა მას იმ სანიმუშო მაგალითისთვის, რომელიც მიწიერ ცხოვრებაში დატოვა, როგორც პიროვნებამ, მეგობარმა და პროფესიონალმა მენეჯერმა.

#ახალიამბები #BusinessMediaGeorgia