ავტოსადგურები სერტიფიცირებისთვის ემზადებიან. რეგულაციის ამოქმედებამდე ერთ თვეზე ნაკლებია დარჩენილი - 1-ლი ივნისიდან ქვეყანაში არსებულ ყველა ავტოსადგურს კანონით დადგენილი რეგულაციების დაკმაყოფილება მოუწევს. რეგულაციის მიხედვით, 1-ლი ივნისიდან 150 კილომეტრზე მეტი მანძილით დაშორებული პუნქტებიდან მგზავრების გადაყვანა მხოლოდ M3 კატეგორიის ტრანსპორტით - ავტობუსით იქნება შესაძლებელი. პირველ ეტაპზე აღნიშნული რეფორმა შეეხება ქალაქებს - თბილისი, ქუთაისი, ბათუმი, ზუგდიდი, თელავი. მძღოლები კი თვლიან, რომ რეფორმის ეს ეტაპი უნდა გადავადდეს. სახმელეთო ტრანსპორტის სააგენტოში, M3 კატეგორიის ტრანსპორტის ავტოპარკის შესახებ ზუსტი ინფორმაცია არ აქვთ. კომპანია „ომნიბუს ექსპრესის“ დირექტორი ირაკლი კაბულაშვილი აცხადებს, რომ მიკროავტობუსების ავტობუსებით ჩანაცვლების პრობლემა არ უნდა იყოს, რადგან ამ კუთხით დაწესებული რეგულაციები რთული შესასრულებელი არ არის.

#ახალიამბები #BusinessMediaGeorgia