საფეხბურთო ინდუსტრიაში ინვესტირება კარგი შესაძლებლობაა ფართო და გავლენიან აუდიტორულ წრეებში თავის წარმოსაჩენად, განსაკუთრებით, თუკი ეს კლუბი ინგლისურ მიწაზე მდებარეობს. ამერიკელმა მსახიობებმა, რაიან რეინოლდსმა და რორი მაკელენმა, სწორედ ამ ხერხს მიმართეს, როცა თავის დროზე უელსური კლუბი "ვრექსემი" შეისყიდეს და გადაწყვიტეს ჰოლივუდური სცენარით კლუბი მეხუთე დივიზიონიდან უმაღლეს, ინგლისის პრემიერ ლიგამდე დაეწინაურებინათ და თან ეს ყველაფერი პარალელურ რეჟიმში გადაეღოთ დოკუმენტური სერიალისთვის Welcome To Wrexham. ახლახან კლუბი ინგლისის რანგით მეორე ლიგაში, ჩემპიონშიპში დაწინაურდა და ერთი, თუმცა უდიდესი ნაბიჯი აკლიათ პრემიერ ლიგაში დაწინაურებამდე.

#ახალიამბები #BusinessMediaGeorgia