“არ ვაპირებთ რუსული კანონებით ცხოვრებას” - არასამთავრობო ორგანიზაციებმა დღეს კიდევ ერთი ერთობლივი განცხადება გაავრცელეს “ქართული ოცნების” მხრიდან დაანონსებულ მორიგ შემზღუდავ კანონპროექტთან დაკავშირებით. საუბარია “გრანტების შესახებ” კანონში ცვლილებებზე, რომელიც ოცნების დეპუტატებმა პარლამენტში გუშინ დაარეგისტრირეს და რომლის განხილვასაც დაჩქარებული წესით ითხოვენ. “ქართული ოცნება” აპირებს მიიღოს კანონი, რომლის მიხედვითაც გრანტის გაცემა საქართველოს მთავრობის ან მთავრობის სხვა უფლებამოსილი პირის თანხმობის გარეშე აიკრძალება. მესამე სექტორი აღნიშნულს არალეგიტიმური მთავრობის მხრიდან ქართველი ხალხის წინააღმდეგ მოქმედებად აფასებს. „ბოლომდე წინააღმდეგობას გავუწევთ ქართველი ხალხის დევნის აქტს“ - ასეთია არასამთავრობო ორგანიზაციების პასუხი დაანონსებულ ცვლილებებზე.

#ახალიამბები #BusinessMediaGeorgia