მსოფლიო საფონდო ბირჟებზე საკმაოდ რთული ვითარება გრძელდება და რაც არ უნდა ისაუბრონ ტრამპის ეკონომიკური პოლიტიკისა თუ ხარჯების დაზოგვის წარმატებაზე, ერთ-ერთი გამორჩეული საზომი, საფონდო ბირჟა, აგრძელებს ტრილიონობით დოლარით შემცირებას.
ბოლო სავაჭრო სესია ამერიკულ საფონდო ბირჟაზე შემდეგი შედეგებით დაიხურა: S&P 500 Index: -1.78%, Nasdaq Index: -2.61%, Dow Jones Index: -0.99%
სიმშვიდე არც აზიის ბაზრებისკენ არის, მითუმეტეს, საკმაოდ რთულია განჭვრიტო ტრამპის ადმინისტრაციის პირობებში ეკონომიკური ომის ანუ სატარიფო პოლიტიკის დეტალები, რადგან ეს პირობები იცვლება მუდმივად და გამონაკლისი არც აზიის ბაზრებისადმი დამოკიდებულებაა. მაგალითად, გასულ კვირაში, უკიდურესად ხმაურიანი იყო ამერიკის შეერთებულ შტატებში ჩინეთის საელჩოს განცხადება:
„თუ აშშ-ს ნამდვილად სურს ფენტანილის პრობლემის მოგვარება, მაშინ უმჯობესი იქნება ჩინეთთან კონსულტაციები და ერთმანეთის თანასწორად მოპყრობა. თუ ომი არის ის, რაც აშშ-ს სურს, იქნება ეს სატარიფო ომი, სავაჭრო ომი თუ სხვა ომი, ჩვენ ბოლომდე ბრძოლისთვის მზად ვართ“, - წერს აშშ-ში ჩინეთის საელჩო X-ზე.

#ახალიამბები #BusinessMediaGeorgia