2025 წლის ორ თვეში ბიუჯეტში დღგ-ს შემოსავალი 5.4%-ით გაიზარდა და საერთო ჯამში, იანვარ თებერვალში ფისკალური მაჩვენებლები 9.5%-იან ზრდას აჩვენებს, რაც თანხაში ნიშნავს რომ იანვარ-თებერვალში ბიუჯეტში 3.9 მილიარდი ლარის გადასახადები შევიდა.
ეს აჩენს მოლოდინს, რომ დრამატული კლება ეკონომიკურ ზრდაში არც თებერვალში გვექნება, თუმცა განსხვავებული შეხედულება აქვთ ეკონომისტების ნაწილს.

მაგ. ISET-ის კვლევითი ინსტიტუტის თანახმად, თუ არსებული პოლიტიკური არასტაბილურობა გაგრძელდება, საქართველოს 2025 წლისთვის პროგნოზირებული 6%-იანი ზრდის ტემპი შეიძლება 2%-ზე ქვემოთ დაეცეს.

პოლიტიკის დოკუმენტში "ბიზნესის განწყობის გაუარესების ფასი: რა საფრთხეს უქმნის პოლიტიკური არასტაბილურობა საქართველოს ეკონომიკას", აღნიშნულია, რომ ბიზნესის განწყობა 2020 წლის შემდეგ ყველაზე დაბალ ნიშნულზეა, ხოლო მოლოდინები მკვეთრად ეცემა საპარლამენტო არჩევნების შემდეგ. კვლევა კი ადასტურებს, რომ ბიზნესის განწყობის შემცირება პირდაპირ არის დაკავშირებული მშპ-ის ზრდის შემცირებასთან.

რა გველის მომდევნო თვეებში და რომელი სექტორები დგანან გამოწვევის წინაშე?

სტუმარი: ირაკლი მაკალათია - ეკონომისტი;

#ახალიამბები #BusinessMediaGeorgia