„ქართული ოცნების“ მთავრობის მიერ 31 იანვარს დამტკიცდა დადგენილება, რომლის მიხედვითაც „სტრატეგიული ან/და განსაკუთრებული მნიშვნელობის ობიექტების ნუსხას“ „საერთაშორისო მნიშვნელობის საავტომობილო გზები“ დაემატა.

საქართველოს სისხლის სამართლის კოდექსით კი მისი ბლოკირებისთვის 2 წლამდე ვადით საპატიმრო სასჯელი განისაზღვრა, ხოლო ჯგუფურად ჩადენილი იმავე ქმედებისთვის გათვალისწინებულია თავისუფლების აღკვეთა ორიდან ოთხ წლამდე.
ოცნების გადაწყვეტილების მიზეზი ცხადია მიმდინარე საპროტეტსტო გეგმებს უკავშირდება, რომელიც ავტომაგისტრალების გადაკეტვას მოიაზრებს.

საზოგადოებრივმა ჯგუფებმა ავტომაგისტრალის გადაკეტვაზე ფიქრი მას შემდეგ დაიწყეს, რაც პროტესტის იმავე ფორმას დიდი რეზონანსი ჰქონდა სერბეთში, სადაც ასევე რამდენიმე თვეა, უწყვეტი პროტესტი მიმდინარეობს.

პირველი ასეთი საპროტესტო აქცია გაიმართა გუშინ თბილისის შემოსასვლელში, რომელსაც პოლიციასა და აქციის მონაწილეებს შორის ფიზიკურ დაპირისპირება და დაკავებები მოჰყვა. ნახავდით ალბათ განსაკუთრებულ დავალებათა დეპარტამენტის ხელმძღვანელს ზვიად ხარაზიშვილს, რომელიც დაკავებულ მოქალაქეებს ფიზიკურად უსწორდებოდა და დანარჩენებს, სიტყვიერ შეურაცხყოფას რუპორით ხელში აყენებდა.

გაგიკვირდებათ და სახალხო დამცველს უნახავს გუშინ ეს კადრები და თითქმის 2 თვიანი მდუმარების შემდეგ განცხადებაც გაავრცელა. ლევან იოსელიანი შემაშფოთებელია საჯარო წყაროებში გავრცელებული ვიდეო კადრებით, სადაც ასახული მოქალაქეების, ჟურნალისტების და პოლიტიკოსების მიმართ, პოლიციის მხრიდან განხორციელებული არასათანადო მოპყრობის და ძალის გადამეტების ფაქტებით და მეტიც, ის თითოეულ ფაქტზე სამართლებრივი რეაგირების განხორციელებას ითხოვს.

სტუმარი: გიორგი დავითური - IDFI-ის კანონის უზენაესობისა და მედიის თავისუფლების მიმართულების ხელმძღვანელი;

#ახალიამბები #BusinessMediaGeorgia