ტურიზმის სექტორმა დანაკარგების დათვლა დაიწყო. სასტუმროების ნაწილში აცხადებენ, რომ დეკემბერში მოთხოვნა თითქმის 60%-ით შეუმცირდათ, ბევრი ჯავშანი არც იანვარ-თებერვალში აქვთ. ამასთან, შემცირებულია საქმიანი კონფერენციები და შეხვედრები. ბიზნესის ნაწილის თქმით, აქაც კლება დაახლოებით 60%-ია.
კრიზისის ფაზაშია რესტორნებიც. კერძო სექტორში ამბობენ, რომ თბილისის რესტორნების გარკვეული რაოდენობა დაიხურა. მხოლოდ დეკემბრის 2 კვირის მონაცემებით ტურიზმის სექტორმა ქვეყანაში განვითარებული მოვლენების გავლენით 5 მილიონ ლარზე მეტით იზარალა. რა პირობებში ოპერირებს დღეს უკვე სტუმარ-მასპინძლობის ინდუსტრია და რა მდგომარეობაა დედაქალაქის განთავსების ობიექტებში, რომელიც ქვეყანაში არსებული საყოველთაო პროტესტის ფონზე ყველაზე მეტად დაზარალდა.
სტუმარი: თამარ ბაღდავაძე - კოსტეს დამფუძნებელი და გენერალური მენეჯერი;
#ახალიამბები #BusinessMediaGeorgia