ეროვნული ბანკის ინფორმაციით, 2024 წელს საქართველომ ტურიზმიდან 4.4 მილიარდ დოლარზე მეტი შემოსავალი მიიღო. უშუალოდ IV კვარტალში საერთაშორისო მოგზაურობიდან თითქმის 964 მლნ დოლარის შემოსავალია მიღებული.

2023 წელთან შედარებით, შემოსავლები დაახლოებით 300 მლნ დოლარით არის გაზრდილი. 2023 წლის მეოთხე კვარტალთან შედარებით კი ტურიზმის შემოსავლების ზრდა 10%-ს აღწევს.

ტურიზმის ეროვნული ადმინისტრაციის ინფორმაციით, 2024 წელს საერთაშორისო ვიზიტორების მიერ განხორციელებული ვიზიტები 2023 წელთან შედარებით 4.6%-ით გაიზარდა და 6.4 მილიონს გადააჭარბა. 2019 წლის მაჩვენებელს ვიზიტორების რიცხვი ჯერ არ დაბრუნებია და 16%-იანი ჩამორჩენა აქვს.

საერთაშორისო ვიზიტებით კვლავ რუსეთი ლიდერობს, საიდანაც 2024 წელს 1 42 1923 ვიზიტი შედგა, წლიურ ჭრილში ზრდა უმნიშვნელო 0.2%-ია. 2024 წელს ევროკავშირის ქვეყნებიდან 438 414 ვიზიტი შედგა, 2023 წელთან შედარებით ვიზიტები მხოლოდ 4%-ით არის გაზრდილი. 2019 წელთან შედარებით კი 9.6%-ით ნაკლებია.

შემოსავლები და ტურისტებისთვის დანახარჯების სტრუქტურას, რომ შევხედოთ, ათი ქვეყანა, საიდანაც საქართველომ შარშან ყველაზე მეტი შემოსავალი მიიღო ასე გამოიყურება.
რუსეთი - 850.1 მლნ დოლარი;
თურქეთი - 612.3 მლნ დოლარი;
ევროკავშირის ქვეყნები - 571.1 მლნ დოლარი;
ისრაელი - 436.5 მლნ დოლარი
აზერბაიჯანი - 168.5 მლნ დოლარი;
სომხეთი - 157.4 მლნ დოლარი;
ირანი - 151 მლნ დოლარი;
უკრაინა - 149 მლნ დოლარი;
საუდის არაბეთი - 122.1 მლნ დოლარი;
ბელორუსი - 96.3 მლნ დოლარი;

2023 წელთან შედარებით რუსი ვიზიტორებიდან შემოსავლები 9.4%-ით შემცირდა. 3%-ით შემცირდა თურქეთიდან მიღებული შემოსავლებიც. რაც შეეხება ევროკავშირის ჯგუფს, სადაც დიდი ბრიტანეთიც შედის, ზრდა თითქმის 4%-ია. 41%-იანი ზრდაა ისრაელის შემთხვევაში, ხოლო აზერბაიჯანელი ვიზიტორები დანახარჯები 2023 წელთან შედარებით 18%-ით არის გაზრდილი. აზერბაიჯანისგან განსხვავებით, 2.4%-იანი კლებაა სომხეთის შემთხვევაში.

17%-იანი ზრდა ფიქსირდება ირანიდან, ხოლო საუდის არაბეთიდან - 21%-იანი. თითქმის 19%-ით შემცირდა უკრაინიდან შემოსავლები, ბელორუსიდან კი 6%-ით.

სტუმარი: მაია სიდამონიძე - საქართველოს ტურიზმის ალიანსის თან

#ახალიამბები #BusinessMediaGeorgia