ლეგენდარულმა პორტუგალიელმა მწვრთნელმა ჟოზე მოურინიომ საკუთარი ღვინის წარმოება და გაყიდვა დაიწყო, სახელწოდებით “The Special One”. სახელწოდება მომდინარეობს მოურინიოს ზედმეტსახელისგან, როცა პრემიერ ლიგაში “ჩელსის” მწვრთნელად მოქმედი ჩემპიონთა ლიგის გამარჯვებულის სტატუსით გადაბარგებისას სადებიუტო პრესკონფერენციაზევე განაცხადა, რომ სხვებისგან სწორედ ამით გამოირჩეოდა და ამიტომაც იყო “განსაკუთრებული”.
ღვინის რეკლამაში 61 წლის სპეციალისტი ამბობს:“ფინალები? მე ისინი მოვიგე, ჩემპიონატები დავიპყარი. მე არასდროს ვყოფილვარ რიგითი “ბოთლი”, რადგან მათ მე ვქმნი. ვამჯობინებ არ ვისაუბრო.რადგან ჩემი მიღწევები, წარმატება და სამუშაო თავად ამბობენ ყველაფერს. ეს არის “განსაკუთრებული (“The Special One”)” - აცხადებს ჟოზე რეკლამაში.პორტუგალიელმა რეკლამა საკუთარ Instagram გვერდზე განათავსა და აღწერის სახით დაურთო:
“როგორც ადამიანი, რომელიც სიზუსტეს, ხარისხსა და სრულყოფილებას აფასებს ყველა საქმეში, სიამაყით მსურს წარმოგიდგინოთ ჩემი ღვინო - “The Special One”. ის ჩემი სამშობლოს პორტუგალიის საუკეთესო რეგიონებიდან ხელით დაკრეფილი ყურძნის საშუალებით დამზადდა და ირეკლავს, როგორც პორტუგალიის სულს, ისე შეუპოვარ სურვილს ისიამოვნო ცხოვრების ყველა მომენტით. ეს ღვინო იმისთვის შეიქმნა, რომ განსაკუთრებულ ადამიანს გაუზიაროთ” - წერია მოურინიოს Instagram პოსტში.
#ახალიამბები #BusinessMediaGeorgia