მარტი 20, 2024
84
#ახალიამბები
საპროტესტო აქცია მაკლერის წინააღმდეგ. ბათუმში, დღეს სავარაუდო თაღლითური სქემით დაზარალებულები შეიკრიბნენ. ისინი ამტკიცებენ, რომ ლეილა ფუტკარაძემ სხვადასხვა დროს, მათ ბინის გირავნობის სანაცვლოდ სოლიდური თანხები გამოართვა, თუმცა მოატყუა და უკან, ამ დრომდე არ უბრუნებს. აქციის მონაწილეების თქმით, ფუტკარაძე რამდენიმე თვის განმავლობაში მხოლოდ ქირის ფულს იხდიდა, რაც მოგვიანებით შეწყვიტა და 80-მდე ოჯახი ქუჩაში დარჩა. დაზარალებულებმა სასამართლოს გასულ წელს მიმართეს, თუმცა გადაწყვეტილება ამ დრომდე არ მიუღიათ. ლეილა ფუტკარაძე აქციის მონაწილეებისგან 10 დღიან ვადას ითხოვს. მეორე მხარე კი მასშტაბურ პროტესტს აანონსებს. ბრალდებების ადრესატმა ჩვენი კამერის გამოჩენისთანავე ტერიტორია დატოვა.
მაჩვენე მეტი