#ახალიამბები
ზაალ მიქელაძე სკანდალში ეხვევა. ქობულეთის მაჟორიტარ დეპუტატს საქართველოს პარლამენტში მუნიციპალიტეტის სამედიცინო ცენტრის თანამშრომლები უპირისპირდებიან. პროტესტის მიზეზი კლინიკის დაყადაღებაა, რის გამოც, სამედიცინო დაწესებულება მუშაობას ვერ აგრძელებს და თანამშრომლებისთვის ხელფასების გადახდას ვერ ახერხებს. სოციალურ ქსელში გამოქვეყნებული პოსტით, ისინი აქციებს აანონსებენ და ხელწერების შეგროვებას იწყებენ, რათა მიქელაძეს დეპუტატის მანდატი ჩამოერთვას. სამედიცინო ცენტრის თანამშრომლები ამტკიცებენ, რომ ამ მდგომარეობაში სწორედ დეპუტატის პირადი ინტერესების გამო აღმოჩნდნენ. ბრალდების ადრესატი საქმეში საკუთარ ბრალეულობას გამორიცხავს და ამბობს, რომ თავად „არაფერ შუაშია“. ზაალ მიქელაძის თქმით, სადეპუტატო საქმიანობიდან გამომდინარე, წილი საკუთარ შვილს გადააბარა. მაჟორიტარი დეპუტატი ქობულეთის სამედიცინო ცენტრის თანამშრომლების მიერ დაანონსებულ აქციას მოახლოებულ არჩევნებს უკავშირებს.