#ახალიამბები
,,ბათუმობა 2023“-ის ფარგლებში, საზაფხულო თეატრისა და ბულვარის კოლონადების მიმდებარედ საბავშვო და სპორტული აქტივობები, კულტურული ღონისძიებები, კლასიკური, თანამედროვე მუსიკის და ქართული ფოლკლორის კონცერტები გაიმართება. ქუჩებში სასეირნო მატარებელი იმოძრავებს და სასულე ორკესტრი დაუკრავს. ბათუმობის თემატიკასთან დაკავშირებით სამუზეუმო ექსპონატების გამოფენა გაიმართება აჭარის მუზეუმში. დრამატულ თეატრში მოეწყობა თეატრალური პერფორმანსი ,,აჭარის არქივი 100 წლისაა“. გამწვანების სამსახური წარმოადგენს დეკორატიული მცენარეების გამოფენას. მოეწყობა დამეგობრებული ქალაქების სტენდები. წარმოდგენილი იქნება ბათუმელი მხატვრებისა და სხვა გამოფენები, ბათუმში და ბათუმზე გადაღებული ფილმების კადრების ჩვენება. სტუმრები შეძლებენ ქართული კერძების დაგემოვნებას. დაჯილდოვდებიან საპატიო ბათუმელები. საზაფხულო თეატრის წინ წარმოდგენილი იქნება მიუზიკლი ,,და აი, ჩვენ აქ ვართ Mamma Mia”. ,,ბათუმობა 2023“ საზეიმო გალაკონცერტითა და გრანდიოზული ფოიერვერკით დასრულდება.