#ახალიამბები
ტურისტული სეზონის სამზადისთან დაკავშირებით, ბათუმის მერიაში, სამუშაო შეხვედრა გაიმართა. იმსჯელეს ზაფხულის ტურისტული სეზონისთვის მოსამზადებელ სამუშაოებსა და მიმდინარე ინფრასტრუქტურული პროექტების დროულ განხორციელებაზე. აჭარის მთავრობის თავმჯდომარემ მუნიციპალურ სამსახურებს და მთავრობის სხვადასხვა უწყებებს კოორდინირებული მუშაობისკენ მოუწოდა. 2023 წელს, ბათუმი ისეთ მნიშვნელოვან საერთაშორისო ღონისძიებებს უმასპინძლებს, როგორებიცაა: World Travel Awards -ს დაჯილდოების ევროპის გალა ცერემონია, ევროპის სოფლად ტურიზმის გენერალური ასამბლეა, 21 წლამდე ნაკრებთა ევროპის ჩემპიონატი, სულ მალე გაიმართება ბათუმობა 2023. აჭარაში ტურიზმის აღდგენის დინამიკა მზარდია და მიმდინარე წელს ტურისტული ვიზიტები 3 მლნ-ს აღემატება. ინფორმაცია, ვიდეო მასალასთან ერთად, აჭარის მთავრობის ადმინისტრაციამ მოგვაწოდა.