#ახალიამბები
ტუბერკულოზის რეგიონულ ცენტრს რეაბილიტაცია ჩაუტარდება. დაგეგმილია კაპიტალური სარემონტო სამუშაოები. გადაწყვეტილებაზე, დღეს, აჭარის მთავრობის სხდომაზე ისაუბრეს. გარდა ამისა, ახალი შენობა ექნება ორ სამედიცინო დაწესებულებას ბათუმში. ერთი, ეს არის ბათუმის რესპუბლიკური საავადმყოფოს მიმდებარედ არსებული #1 პოლიკლინიკა. დაგეგმილია არსებული შენობის დემონტაჟი და ახლის მშენებლობა. ასევე, რესპუბლიკურ საავადმყოფოსთან გადავა ბათუმის სასწრაფო-სამედიცინო დახმარების ცენტრი. ახალმა შენობამ, არსებული, ძველი კორპუსი უნდა ჩაანაცვლოს. როგორც ჯანდაცვის მინისტრმა აღნიშნა, ეს სამედიცინო სექტორის კოორდინირებულ მუშაობას ხელს შეუწყობს. სამუშაოების დაწყება-დასრულების ვადები და პროექტებისთვის გათვალისწინებული თანხები არ დაკონკრეტებულა.