#ახალიამბები,
ბადრი ესებუა დაკავებულია. ქვეყნის ნომერ პირველი მძარცველი, რომელსაც საქართველოს სამართალდამცავი უწყება 2 წლის განმავლობაში ეძებდა, ჯიხაშკარში, ნათესავის სახლში აიყვანეს. იგი მისი საცხოვრებლიდან დაახლოებით 2 კილომეტრში მდებარეობს და სავარაუდოდ, სწორედ აქ იმალებოდა ესებუა. ადგილზე საგამოძიებო მოქმედებები ამ დრომდე გრძელდება. პოლიციელები ოჯახის წევრებს კითხავენ. შსს-ს წარმომადგენლებმა შემთხვევის ადგილიდან ცეცხლსასროლი იარაღი და საბრძოლო ვაზნები ამოიღეს. გამოძიება იძულების, ცეცხლსასროლი იარაღის და საბრძოლო მასალის უკანონო შეძენა-შენახვა-ტარების, ასევე, ტერორისტული აქტის და ტერორისტული მიზნით მოქალაქეების მძევლად ხელში ჩაგდების ფაქტებზე მიმდინარეობს. დანაშაულები 15 წლამდე ვადით თავისუფლების აღკვეთას ითვალისწინებს.