#ახალიამბები
,,ქედის ავტოსატრანსპორტო საწარმოს“ ყოფილი დირექტორი დაკავებულია. მას დიდი ოდენობით თანხების მითვისებასა და სამსახურებრივი უფლებამოსილების ბოროტად გამოყენებას ედავებიან. შპს ,,ქედის ავტოსატრანსპორტო საწარმოსა“ და ქედის მუნიციპალიტეტის მერიას შორის, ყოველწლიურად, ფორმდებოდა სუბსიდირების ხელშეკრულებები, ამბულატორიული მომსახურების პროგრამასთან დაკავშირებით. გამოძიებით დადგინდა, რომ „ქედის ავტოსატრანსპორტო საწარმოს“ დირექტორმა, ამბულატორიული მომსახურების პროგრამით გათვალისწინებული თანხები გადარიცხა თავის საბანკო ანგარიშზე, რის შედეგადაც 97 933 ლარი მიითვისა და სახელმწიფო ბიუჯეტს დიდი ოდენობით ზიანი მიაყენა. გამოძიება რამდენიმე მუხლით მიმდინარეობს. დანაშაული 7-დან 11 წლამდე ვადით თავისუფლების აღკვეთას ითვალისწინებს.