#ახალიამბები
ანტიდასავლურ მოძრაობას ქედიდანაც უერთდებიან. ამჯერად, პარტია და თანამდებობა მუნიციპალიტეტის საკრებულოს ფრაქცია ,,ქართული ოცნება - მრეწველები"-ს თავმჯდომარის მოადგილემ დატოვა. მზია ბოლქვაძემ შესაბამისი განცხადება წარმომადგენლობით ორგანოს უკვე წარუდგინა. ყოფილი „მეოცნებე“ ამბობს, რომ გადაწყვეტილება პირადი სურვილის საფუძველზე მიიღო, რადგან ახლად შექმნილი მოძრაობის იდეებს ემხრობა. შეგახსენებთ, "ქართული ოცნებიდან" ფორმალურად წასულმა ოთხეულმა საზოგადოებრივი მოძრაობა რამდენიმე თვის წინ დააფუძნა. სოზარ სუბარმა, დიმიტრი ხუნდაძემ და მიხეილ ყაველაშვილმა "ოცნება" 28 ივნისს დატოვეს. როგორც მაშინ განმარტეს, მათი მხრიდან გარკვეულ თემებზე საჯაროდ საუბარი მმართველ გუნდს უხერხულობას შეუქმნის, ამიტომ უწევთ პარტიის, ფრაქციისა და საპარლამენტო თანამდებობების დატოვება. მათ რიგებს, მოგვიანებით, გურამ მაჭარაშვილიც შეუერთდა.